تفلضوا موضوع للفايده والنقاش المفيد
9
6
إضغط هنا للإخفاء
بسم الله الرحمن الرحيم السلام عليكم ورحمت الله وبركاته اخبار علوم عساكم طيبين ومبروكين الامطار الله يجعلها امطار خير وبركه موضوع لي مده طويله وانا افكر فيه موضوع محيرني ومحير كثير من الناس الي هو ماسبب قوت الجمس الاحمر البهباني وعندما نقول البهباني لتوضيح فقط ولاالبهباني وكيل جمس بل كويت والي اول كان يجي السعوديه الجميحي برايكم انتم وش سبب قوت البهبان ؟. انواع مكاين البهبان ١-٣٥٠ انش مكعب وليس عدد الاحصنه واكثر الناس اذا جيت تقوله ٤٥٤ يقولك الاحصنه لا هاذي حجم المكينه بل انش المكعب وانا تجادلت انا واحد بقروب ووضحتله وفهمها ٢- ٤٥٤. ٣- ٥١١واكثر الناس يقولون ذي المكينه خرافيه وليس لها وجود لكنها موجوده. وهي انك تاخذ مكينه٤٥٤ وتخرطها كامله والخرط هو توسيع راس السلندر فتصبح٥١١. ٤- ٥٧٢ وهاذي مكينه جباره وخارقه ونادره وسعرها بامريكا حول٤٠الف ريال وهي لسباقات ويمكن تركيبها علا البهبان انا حاولت اجمع معلومات كثير والحمد لله قدرت. وبسال سوال ثاني وانتم جاوبو عليه. وش سبب غلا البهبان لدرجت اني شفت بهبان قديم ينباع بحول٩٠الف ريال. سالت واحد من الشباب قالي ماغلاه الا الهياط وانا الصراحه شفتها اجابه مقنعه لان الجمس البهبان اول كان ينباع جديد ب٢٣الف. والحين ب٥٠الف. طيب اول اول البهبان كان يستخدم لاغراض مهب طيبه زي التهريب وغيرها لذالك منعت السعوديه دخول مكينت ٥١١ اوخرط٤٥٤ لانها مخصصه بس لدوله. والحين بعض الي يشترون البهباني ياما يهيطون فيه قدام الناس وياما يطقطقون علا الدوريات وهاذا فعل خاطا الله يهديهم. صراحه انا عندي حل للي ناوي يشتري بهبان نضيف وسعر طيب اطلب من امريكا ويجيك شي طيب وبسعر رخيص موب سعر مبالغ فيه. النقطه الاخيره. الي بسالكم فيها وش سبب قوت البهبان مع ان الاحصنه فيه ضعيفه لاكن علاوقته كانت خارقه مثلا مكينت٤٥٤ تولد حول ٢٤٠حصان طيب وش الي خلاه يقوم علا بورشات وجيوب لكزس هل هو التورك العالي ام تصميم المكينه اما ماذا. وش رايكم بل لغه العربيه حقتي. ههههههههههههههه اننني خطير. وتعبت بل موضوع وكتبت لمن تعبت اتمنا تعلقون بل كمنت وتحطون لايك وشكرا ونبي اراءكم. وختاما صور جميله للوحش وصور مكينت٥٧٢الاسطوريه
إبلاغ
الردود
الي تشوفهم يطارحون السيارات القوية اكيد ملغمينها وتلغيم غير طبيعي
ولا ماحطولك طبلونها 180 مدري 160
6
9
وصوته يطرب بس وش سبب القوة مدري
6
0
خذ لك بقيمتها لانسر ايفولوشن محرك ٢٠٠٠ سي سي عليه تيربو يشخمطها ويلعب بحسبة الجمس ،،
اذا قيمته موديل ٨٠ ع كلامك حول التسعين اللانسر٢٠٠٩ ايفو بهالقيمه و حتسوي الهوايل
3
4
محرك قوي ما اختلفنا لكن لقوته حدود
وكل شيء له حقبة وتعدي وتجي حقبة فيها محركات أفضل
يعني الآن غالب محركات الـ 6 سلندر السيدان الحديثة تدق خشمه قومة وخط
لكن اللي ضخم الموضوع المتمسكين بالسيارات الكلاسيكية وحبهم الكبير لها
مع إحترامي الكبير لهم ولحبهم للماضي الجميل , تحيتي لك وللجميع +1
7
1
وعليكم السلام ورحمة الله وبركاته
2
0
الجمس كان عشقي الاول والاخير وامتلكته عام 1411هـ ايام ازمة الكويت
كان جميحي موديل 79 شد بلد ماطقه الشاكوش
المكينة مخروطة 60 بأخر توظيبه لها
شريته بــ 19 الف وبعته بعد سنة بــ 14 الف ريال
اذكر مرة طالع من الدمام ابي القصيم
طلع لي بالخط مرسيدس وكالته ذاك الوقت قطري
دق لي اشارات التحدي ( ايام الشباب ) لا تشرهون
وبدينا نتسابق وهو كان قدامي
وبيننا مسافة اقل من 30 متر ولا قدر يتعداها ولا قدرت اجيبه
لين وصلنا مدخل الرياض ووقفنا نعبي بنزين
نزل الرجال وجاء يسلم علي ويسألني وش قصة هالونيت !
وحلف بالله انه داق الطبلون كله ولا قدر يجيب اكثر
يعني يمشي 240 كيلو
الشاهد من هالكلام
سبب شهرة الجمس وهيبته انه جاء في وقت كانت الونيتات
محدودة السرعة مثل الددس والهليكس
تخيلوا الدسسن والهلكس 76 حدها تمشي 140 ولا توصلها بعد
والجمس 76 ابوملاعق اول ونيت يجي بمكينة حمرا قوتها 454
فرق رهيب وهيبة بوقته تخلي الراس يفر فر
وطاحوا فيه مهربين الدخان والحبوب من اليمن والكويت
وعجزت عنهم الحكومة
قوة وسرعة وبدي جبار وحديد وكبير يصدم ولا يهمه احد
فكان القرار بمنعه واخر موديل رسمي نزل بمكينة 454 للشعب 1980
والدولة تجيبه علشان حرس الحدود والدوريات او الامراء للصيد
اما الان خلاص راح وقته والماكسيما تطلع عليه
لكن اللي ميزته حجمه الكبير وقدرته يوصل لفوق 200 كيلو للان !
ومع الترهيم والتفخيخ ممكن يجيب 260 كيلو بالراحة
وياليت الشباب يقللون من استخدام كلمة البهبهاني لانهم يحسبونها صفة او نوع للجمس !!
كان المشهور بالسعودية الجميحي والطرطوسي
والبههباني وارد الكويت اشتهر بالصقعة او بياض التندة
وعني انا افضل الجميحي شد البلد واعتبره اجمل شكل من الاصقع
زمان يالجميحي
الله المسعان
22
0
جوابك لن يجيب عليه إلا من عاصر جيل السبعين والثمانين .... تقول وش السبب
السبب طال عمرك أن الجمس والكابرس ضهر في السبعينات والثمانينات بمحركات أكبر مع وجود أغلب السيارات اليابانيه
بمحركات أصغر ب4 سلندر أو 6 سلندر وأغلبها 4 تعشيقات (سرعات القير) لذلك من الطبيعي أن يتفوق الجمس والكابرس
في ذلك الوقت على الياباني لأنه أتى بأكثر فخامه... ولايحلوا السفر إلا به بسبب عدم سماع حنة المكينه مثل الياباني لضعفها
أما الآن أختلف الوضع الياباني تحسن وجاء بمحركات كبيره بخاخات و8 سلندر مثل الباترول واللكزس وغيرها الكثير
أما سبب سرعة الجمس وهو 3 سرعات فقط فهذه لها أسرار لايعرفها إلا أصحاب الصنف مثل تركيب مكينه أكبر 454
وقير له رقم خاص الضاهر رقمه 16 لأن لها أرقام + كارونه مقاس 14/45 وغيرها كثير أتمنى يفيدونا فيها أهل الخبره
وأخيرا جزيت خيرا على الطرح+1
5
0
454 = 7.4 لتر
تخرطه 0.060 على كرنك وكاله يصير 467 .. تركب ستروكر تقدر توصل 496
بعدها اذا بغيت توصل كيوبك انش اكبر يبيلك كرنك اكبر او تخرط زيادة
مسأله شي اسمه 511 انسوه ياعالم .. كذب في كذب وخزعبلات
اذا الامريكان ما يعرفو شي عن هالكيوبك انش ! انتم جايين تخترعوها ؟؟؟؟
عموما الجموس مرعبه في وقتها .. على زمانها كانت الاقوى
حاليا كل شي تغير خلاص .. يعني شي طبيعي المستويات تختلف ووو
3
1
1
1
بس حسب الصورة الأولى للمكينة الحمراء 454 على البلاط فموضح على فلتر الهواء إنها 425 حصان
والأرقام 454 أو 350 حسب علمي فهي خاصة بسعة المكينة
0
0
بالنسبة للمكائن ما اعرفها ولا جربتها بس احس انها قويه وتنفع للترهيم على اي سيارة ( اشوفها في الباترول 1980 الى 1997 )
350 = 5.7L >> 5700cc
454 = 7.4L >> 7400cc☺
0
0
حلمي هو :
جمس 79 وابدأ مشروعي فيه : مكينة 572 كيوبك انش + تجديد ميكانيكي وداخلي بالكااااااااااامل
وانطرررررب يا عم
للمعلومية : مكينة 454 كيوبك انش اللي على الجمس القديم قوتها 250 حصان تقريباً وعزمها حوالي 400 نيوتن تقريباً
لكن مكينة 454 الجديدة قوتها 440 حصان وعزمها 500 نيوتن
مكينة 572 كيوبك انش قوتها 620 حصان والعزم 650 نيوتن = دماااااااااااااااااااارررر شااااااااااملل
0
0
0
1
1
1
البهبهاني احصنته قليله ٢٤٠او ٢٥٠ بس عزم التورك عالي ياصل
٦١٠رطل لكل قدم والسبب الثاني قوة الدفرنس والقير
0
0
عن شي/
قصة بسيطه في عام ٢٠٠٦ فكيت لومينا وكاااله تعرف معنى وكاله
ورحت مع اخوي لديره وكان وقت اجازه يوم جمعه وفجر يعني الخط فاضي
امشي معي جمس ٤٥٤ نظيف موديل ٨٣ واخوي ع اللومينا حتى وصلنا وانا اكلمه
بالجوال أقوله كم تمشي قال ١٨٠ وقوله زيد لين وصل ٢١٠ تقريبا حده / الجمس فيه دعسه ثانيه
وبعدها عطيته فرقيه يمكن عدد ٣ عمدان
لا تقولون ما يمشي ما ادري ايش ..، وغيرها من المواقف كثير بالرمل ما يغرز ليه:
لكن مع الأسف طاح بيدين مبزره وناس تهلك هلك وبعدها تقول فيه وفيه
طبعا أفضلها ٧٩ و ٧٨ وبعدها ٨٣ و٨٤
وكل موديل فيه رقم للدفرنس ورقم للقير يختلف كلا عن الثاني
وبالتوفيق ...الان اكتب لكم في عام الكرونا وعمري ٤٨ سنه
لا اله آلا الله والحمد لله رب العالمين
0
0
0
0
0
0
و496 تحصلها تنباع في المواقع الأجنبية
أما 511 مالها وجود
أما قوة مكاينها فهي
أسطورة, تشرب بنزين أضعاف المكائن الحديثة ومب شيء عندها
قبل 9 سنه و 9 شهر